Twents

Hoaksebarge is oonder de fusiegolf van de joaren negentig hen ekommen en kö'j doarum now net as Tubbarge zeen as één van de kleanere gemeenten in Twente. 'Twenteleu, leuke leu!', dat kö'j wisse zeggen van de 24.000 inwonners van Hoaksebarge.

'Wel geet der met noar Hoaksebarge too?
Allo Jannoa, allo Jannoa!'

Dit leedje, meerderweggens bekeand in Twente, oaver Hoaksebarge is 't hoesleed van de revue van Hoaksebarge, woarin Jannoa, Tone, Gait-Jan en dochter Truike kluurech de hoofdrol spölt. Elk joar, in februari, zit de zalen met de revue 'Allo Jannoa' oavende an oavende vol as 'n pötje met pieren. Hoaksebarge hef ear doarpse en Twentse karakter deur de joaren hen können behoalden.

Hoaksebarge zo'j tweemoal ne greansgemeente neumen können. In 't zuden geet Twente oaver in 'n Achterhook en in 't oosten - veurbiej 't kearkdoarp Buurse - lig de rieksgreans. De Twentse steden Eanske en Hengell li-jt op 12 km.