Wongemeente

Hoaksebarge: de leu mait der gearn wonnen. Benaamd vanof um en noabiej 1965 is dat 't geval, doo de Twentse textielbedrieven onmeunig an 't bouwen an gingen. Seend dee tied is de gemeente in noord/noordwestelijke richting oetdiejd. De drokke Twenteroute (Eanske - Eibeargen) slöt de zuudkaant of. 't Laandskop is doar völs te weardevol om doar oet te breiden.

Hoaksebarge zal ok de kommende teen joar heanig an verdan greuien. Der komt zo oongevear 900 wonningen biej, veur 'n deel in niejbouwwieken en veur 'n deel um de stukke groond dee vriejkommen bint vol te bouwen.

De leu dee hier niej bint kommen wonnen veendt 't hoge nivo van de veurzieningen nich verkeerd. Iej zollen hier 't oonderwies neumen können, mer 't geet ok op veur aandere terreinen.