Wearkgemeente

Nich bloots da'j der aardig wonnen könt, iej könt in Hoaksebarge meerderweggens 'n hoop bisserieje veenden. Vrogger was dat preenspoal de textiel, rechtervoort kö'j der van alns veenden.

Der bint grote bedrieven, alman keant joo de Twentsche Kabelfabriek, mer benaamd bint 't de kleanere töt middelgrote bedrieven dee 'n hoop an interessaante produkten en productietechnieken binnen de pöste hebt.

Oaver de hele wearld bint ze gangs. Hoaksebarge hef 1.700 bedrieven dee weark geft an 9.735 leu (2010). Van de leu dee wearkt döt 60% dat in Hoaksebarge zölf, 40% geet hen en wier noar benaamd Eanske en Hengell.

Oaldere nerigheid, opkömmen laangs de spoorlien, is nog wal es inslötten deur de bouw van huze.

De gemeente hef 't good doan as 't geet um 't wier gezoond maken en vanniejs opsmieten van dizze oet vroger tieden bestoande bisseriejen. Zo zal katoenfabriek Frankenhuis eerdagens verhuzen noar de jungste bisseriej Stepelo.