Bezeukers

Elk joar maakt teendoezenden leu 'n töchken met 'n stoomtrein van 't Museum Buurtspoorweg in Hoaksebarge. 't Antal leu dat 't recreatiebad De Wilder bezoch löp in de honderddoezenden. Veur de dagjesleu bint dit de veurnaamste verdiffederinge.

Bezeukers dee wat länger blieft, komt veural um te fietsen of te waandeln in de umgeaving, roonddolen deur 't genöaglijke centrum. Ze goat noar 't maark of bekiekt de Pancratiuskeark, de möllen of aandere monumeanten.

Ok de regionale Meimaark, de Mirweentermaark, de Engelse mijlenloop, de Kennedymars, 't Schuttersfest en nich te vergetten de zommerfesten in de kearkdoarpen brengt völ leu op de been, ok boetenmaarksen.

A'j wetten wilt wat der te doon is in Hoaksebarge: op oonze webstie doo'w ow doar bod van. Wa'j ok doon könt is kieken op de webstie www.vvvhaaksbergen.nl.